કબૂતરબાજી કેસમાં પોલીસ એજન્સીઓની તપાસ તેજ કરી છે. ગેરકાયદેસર રીતે અમેરિકા જનારા મુસાફરોના કેસમાં CID ક્રાઇમે તપાસ હાથ ધરી છે. ફ્રાન્સની ફ્લાઇટમાં પરત આવેલા મુસાફરોનાં CID ક્રાઇમએ લીધા નિવેદન લીધા હોવાનની માહિતી મળી રહી છે.
સૂત્રો દ્વારા જાણકારી મળી છે કે, પોલીસ તપાસમાં મુસાફરોના નિવેદનમાં ઘણા એજન્ટોનાં નામ ખુલ્યા છે.જેમાં મોટા ભાગના એજન્ટો ઉત્તર ગુજરાતના હોવાનું જાણવા મળ્યું છે. પોલીસ દ્વારા 21 મુસાફરો પૈકી 18 મુસાફરનાં નિવેદન લેવાયા છે. CID ક્રાઇમએ મહેસાણા ગાંધીનગર,પાટણ અને અમદાવાદનાં કુલ 18 મુસાફરોનાં નિવેદન લીધા છે જેમાં મુસાફરોએ નિવેદનમાં સ્વીકાર્યું કે ‘અમે નિકારાગુઆ થી ગેરકાયદેસર રીતે અમેરિકા જવાના હતા’. તપાસ બાદ મોટા ભાગના એજન્ટો ભૂગર્ભમાં ઉતરી ગયા છે.
સમગ્ર મામલે CID ક્રાઇમએ FRRO પાસે પાસપોર્ટની વિગત માંગી છે. પાસપોર્ટની વિગત પરથી મહત્ત્વના ખુલાસા થયા છે. જેમાં 21 ગુજરાતીઓ અલગ અલગ રીતે દુબઈ પહોચ્યા હતા. જેઓ દુબઈ થી નિકારાગુઆની ફ્લાઇટમાં ગયા હતા. તમામ લોકો નિકારાગુઆની વાયા ફ્લાઇટ એમરિકા પહોચવાના હતા. ગેરકાયદેસર અમેરિકા જવા માટે એક પણ મુસાફરો એડવાન્સ પૈસા ચૂકવ્યા ન હતા. અમેરિકા પહોંચ્યા બાદ પૈસા આપવાની ડીલ થઈ હતી. સૂત્રો જણાવી રહ્યા છે કે 40 લાખથી લઇ 1.25 કરોડ સુધીમાં ડીલ થઈ હતી.
