મહુવાના કુંડળ ગામમાં વાડીમાંથી વિદેશી દારૂ અને બિયરનો જથ્થો ઝડપાયો

મહુવા તાલુકાના કુંડળ ઢસિયા ગામમાં આવેલ વાડીમાં એલસીબી પોલીસે દરોડો પાડી ભારતીય બનાવટના વિદેશી દારૂની ૫૦૪ બોટલ તેમજ બિયરના ૨૨૬ નંગ ટીન કબજે કરી કાયદેસર કાર્યવાહી હાથ ધરી હતી.
એલસીબી પોલીસ સ્ટાફ મહુવાના ગ્રામ્ય વિસ્તારમાં પેટ્રોલિંગમાં હતો તે દરમિયાન બાતમી મળી હતી કે, કુંડળ ઢસિયા ગામમાં રહેતા ભાવેશ વીરાભાઇ વાસીયા એ તેના સસરાની વાડીમાં જારના પાકની આડમાં વિદેશી દારૂ રાખી તેનું વેચાણ કરે છે.
આ બાતમીના આધારે એલસીબીએ કુંડળ ઢસિયામાં આવેલ વાડીમાં દરોડો પાડી ભારતીય બનાવટની વિદેશી દારૂની અલગ અલગ બ્રાન્ડની ૫૦૪ બોટલ તેમજ બિયરના ૨૨૬ ટીન, એક સિલ્વર કલરનું એક્સેસ મોટરસાઇકલ મળી કુલ રૂ.૨,૩૩,૮૦૦ નો મુદ્દામાલ કબજે કર્યો હતો.
એલસીબી પોલીસે ભાવેશ વીરાભાઇ વાસિયા ( રહે. કુંડળ ઢસિયા ) વિરુદ્ધ મહુવા ગ્રામ્ય પોલીસ મથકમાં પ્રોહીબિશનની કલમ હેઠળ ગુનો નોંધાવી કાયદેસર કાર્યવાહી હાથ ધરી હતી.