પાકિસ્તાનમાં 8 ફેબ્રુઆરીએ યોજાયેલી સામાન્ય ચૂંટણીમાં કોઈપણ પક્ષને બહુમતી મળી નથી. હવે નવાઝ શરીફની પાર્ટી પાકિસ્તાન મુસ્લિમ લીગ-નવાઝઅને પાકિસ્તાન પીપલ્સ પાર્ટી સરકાર બનાવવા માટે સમીકરણ તૈયાર કરી રહી છે.
સોમવારે સાંજે ‘જિયો ન્યૂઝ લાઈવ’ના અહેવાલમાં એક નવો દાવો સામે આવ્યો છે. આ મુજબ બંને પક્ષો સત્તા વહેંચણીની ફોર્મ્યુલા પર વિચાર કરી રહ્યા છે. આ હેઠળ, પાંચ વર્ષના કાર્યકાળમાંથી, શાહબાઝ શરીફ વઝીર-એ-આઝમ એટલે કે 3 વર્ષ માટે વડાપ્રધાન રહેશે અને બિલાવલ ભુટ્ટો ઝરદારી 2 વર્ષ માટે વઝીર-એ-આઝમ રહેશે.
2013માં બલૂચિસ્તાન પ્રાંતમાં કોઈને બહુમતી મળી ન હતી. ત્યારબાદ પીએમએલ-એન અને નેશનલ પાર્ટી (એનપી) એ મુખ્યમંત્રી પદ માટે આ પ્રકારની સમજૂતી કરી હતી. પાકિસ્તાનની નેશનલ એસેમ્બલીમાં કુલ 336 સીટો છે. જેમાંથી 265 બેઠકો પર ચૂંટણી યોજાઈ હતી. એક સીટ પર ચૂંટણી મોકૂફ રાખવામાં આવી છે, જ્યારે એક સીટ NA-88 ના પરિણામ નામંજૂર કરવામાં આવ્યા છે. અહીં 15મી ફેબ્રુઆરીએ ફરી મતદાન થશે. બાકીની 70 બેઠકો અનામત છે.
