ગુજરાત યુનિવર્સિટીના અટલ-કલામ હોલ ખાતે યોજાયેલા ફિલ્મ ફેઈમ ગુજરાતી સિને એવોર્ડ સમારંભમાં મૂળ ભાવનગરના અને હાલ ચિલ્ડ્રન યુનિવર્સિટીમાં આસિસ્ટન્ટ પ્રોફેસર ડૉ. ભૈરવી દીક્ષિત-ત્રિવેદીને રાષ્ટ્રીય કક્ષાનું ગૌરવ મળ્યું છે. તેમને સંસ્કૃત ગીત “દેવવાનીમ” માટે વરિષ્ઠ કલાકાર જીતેન્દ્ર ઠક્કરના હસ્તે ‘બેસ્ટ ફિમેલ સિંગર’નો નેશનલ ફિલ્મ ફેઈમ એવોર્ડ એનાયત કરાયો હતો. આ કાર્યક્રમનું આયોજન “ઝવેર” મેગેઝીનના ચીફ એડિટર વિષ્ણુ રબારી દ્વારા પ્રતિભાઓને પ્રોત્સાહિત કરવા કરાયું હતું.
