ભાવનગર જીલ્લામાં જુગારની પ્રવૃત્તિ નાબૂદ કરવાની કડક સૂચના અન્વયે ગ્રામ્યના મદદનીશ પોલીસ અધીક્ષક શ્રી ઘનશ્યામ ગૌતમ દ્વારા એક ખાસ સ્ક્વોડની રચના કરવામાં આવી છે. આ સ્ક્વોડની ટીમે ચોક્કસ બાતમીના આધારે વરતેજ, મોટી પા, કોળી વાડ પાસે રોડ ઉપર ખુલ્લી જગ્યામાં દરોડો પાડ્યો હતો. જ્યાં ગંજીપત્તાના પાના વડે હારજીતનો જુગાર રમતા ઘનશ્યામ ઉકાભાઇ, ભરત જોધાભાઇ સહિત કુલ 8 ઇસમોને રંગેહાથ ઝડપી પાડ્યા હતા.પોલીસે પકડાયેલા આરોપીઓ પાસેથી ગંજીપત્તાના પાના નંગ-52 તથા કુલ રોકડા રૂપિયા 24,610/- નો મુદ્દામાલ તપાસ અર્થે કબજે કર્યો છે. પકડાયેલા તમામ ઇસમો વિરુદ્ધ વરતેજ પોલીસ સ્ટેશનમાં જુગાર પ્રતિબંધિત ધારા હેઠળ ગુન્હો દાખલ કરી કાયદેસરની કાર્યવાહી હાથ ધરવામાં આવી છે.
