ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ 10 અને 12ના સામાન્ય પ્રવાહના વિદ્યાર્થીઓ માટે એક મહત્વપૂર્ણ અને રાહતરૂપ નિર્ણય લેવામાં આવ્યો છે, જેના અંતર્ગત આગામી નવેમ્બર-ડિસેમ્બરમાં પ્રથમવાર ખાસ પૂરક પરીક્ષાનું આયોજન કરવામાં આવશે. આ વિશેષ પરીક્ષા થકી નાપાસ થયેલા કે અગાઉ પરીક્ષા ન આપી શકેલા વિદ્યાર્થીઓને પોતાનું વર્ષ બગાડ્યા વગર આગળ અભ્યાસ ચાલુ રાખવાની ઉત્તમ તક સાંપડશે. રસ ધરાવતા વિદ્યાર્થીઓ આગામી 4 ઓક્ટોબર સુધીમાં પોતાની નજીકની માન્ય શાળા મારફતે આ પરીક્ષા માટેના ફોર્મ ભરી શકશે.
