ગાંધીનગરના ગિફ્ટ સિટી નજીક મેટ્રો ટ્રેન પાટા પરથી ઉતરી જવાની ઘટના બની હતી. મેટ્રો ટ્રેનની ટ્રાયલ રન દરમિયાન આ દુર્ઘટના સર્જાઈ હતી. સદનસીબે, આ બનાવમાં કોઈ જાનહાનિ થઈ નથી. ઘટનાની જાણ થતા જ અધિકારીઓ ઘટનાસ્થળે પહોંચી ગયા હતા અને વધુ તપાસ હાથ ધરી હતી.
ગાંધીનગરમાં આવેલા ગિફ્ટ સિટી નજીક મેટ્રોમાં દુર્ઘટના સર્જાઈ હતી. મેટ્રો ટ્રેન અચાનક પાટા પરથી નીચે ઊતરી ગયાની માહિતી મળી છે. જોકે, રાહતની વાત એ રહી કે હજુ સુધી કોઈ જાનહાનિના અહેવાલ સામે આવ્યા નથી. યાત્રીઓ આગામી સ્ટેશને ઉતરી ગયાની માહિતી મળી રહી છે. હાલ કોઈને ત્યાં જવા દેવાયા નથી.
આ ઘટના બન્યા બાદ મેટ્રો ટ્રેન અટકાવી દેવામાં આવી હતી. જેના કારણે ગિફ્ટ સિટી જતાં મુસાફરો અટવાઈ પડ્યા હતા. જ્યારે આ મામલે કારણ જાણવાનો પ્રયાસ કરાયો તો માહિતી મળી કે મેટ્રો ટ્રેન સેવા ટેક્નિકલ કારણોસર બંધ કરી દેવામાં આવી છે. જેના કારણે કામકાજ માટે ગાંધીનગર જતા લોકો અને નોકરિયાતો અચાનક જ અધવચ્ચે ફસાઈ ગયા હતા.
ગાંધીનગરમાં ગિફ્ટ સિટી નજીક મેટ્રો ટ્રેન પાટા પરથી ઉતારી ગઈ
મેટ્રો ટ્રેનની ટ્રાયલ રન દરમિયાન આ દુર્ઘટના સર્જાઈ, સદ્નસીબે જાનહાની ટળી
