ઉપવાસ સ્પેશિયલ રેસિપી: વ્રતમાં દહીં સાથે ખાઓ આવા બટાકા, જાણો તેને બનાવવાની રીત

મોટાભાગના લોકો શ્રાવણમાં સોમવારે ઉપવાસ રાખે છે. તમે ફરાળી વાનગીમાં જીરા સાથે બટાકાનો સમાવેશ કરી શકો છો. તેને બનાવવું ખૂબ જ સરળ છે અને તે ઓછા સમયમાં તૈયાર થઈ જાય છે. તમે આ બટાકાને દહીં સાથે રોટલી અથવા પરાઠા સાથે માણી શકો છો. આવો જાણીએ બનાવવાની રીત-

સામગ્રી –

1 ચમચી જીરું
3 ચમચી સમારેલી કોથમીર
શેકેલી મગફળી
સ્વાદ મુજબ સિંધવ મીઠું
3 ચમચી દેશી ઘી
4 મોટા બાફેલા બટાકા (300 ગ્રામ)
2 લીલા મરચા
1 ચમચી કાળા મરી

રીત:

ઉપવાસમાં ખાવા માટે બટેટા બનાવવા માટે સૌપ્રથમ બટેટાને સારી રીતે ધોઈ લો. આ પછી કૂકરમાં 2 ગ્લાસ પાણી નાખીને બાફી નાખો. 3 સીટી પછી ગેસ બંધ કરી દો, જ્યારે કૂકરનું પ્રેશર નીકળી જાય, ત્યારે ઢાંકણને ખોલીને બટાકાને બહાર કાઢી લો. તે ઠંડા થાય પછી તેને છોલીને બાઉલમાં કાઢી લો.

હવે એક પેનમાં દેશી ઘી નાખીને ગરમ કરો. ઘી ગરમ થાય એટલે તેમાં જીરું નાખો અને તતડાવો, પછી બાફેલા બટાકાને થોડું-થોડું મેશ કરીને તેમાં નાખો. બટાકાને ઘી સાથે સારી રીતે શેકી લો. 5 મિનિટ પછી તેમાં કાળા મરી અને મીઠું નાખીને મિક્સ કરી લો. મગફળી નાખ્યા પછી, વધુ 2 મિનિટ ફ્રાય કરો, પછી લીલા ધાણા ઉમેરો અને ગરમ શાકનો આનંદ લો. તમે ઈચ્છો તો મગફળીને ઘીમાં પણ મિક્સ કરી શકો છો.