મહારાષ્ટ્રના નાગપુરમાં મોડી રાત્રે એક ભયાનક માર્ગ અકસ્માત સર્જાયો હતો. જણાવવામાં આવી રહ્યું છે કે, નાગપુરના કટોલના ટોંખામ ગામ પાસે એક ટ્રક અને સ્કોર્પિયો કાર વચ્ચે જોરદાર ટક્કર થઈ હતી. આ અકસ્માતમાં છ લોકોના મોત થયા છે અને એક ગંભીર રીતે ઘાયલ હોવાનું કહેવાય છે. ઘાયલ વ્યક્તિને નાગપુરની મેડિકલ કોલેજમાં દાખલ કરવામાં આવ્યો છે. આ દુર્ઘટના રાત્રે લગભગ 1.30 વાગ્યાની આસપાસ બની હોવાની માહિતી મળી રહી છે. જોરદાર ટક્કરને કારણે સ્કોર્પિયોમાં બેઠેલા 6 લોકોના મોત નીપજ્યા હતા. મૃત્યુ પામેલા તમામ લોકો એક જ ગામના રહેવાસી હતા.
