રાજ્યનાં 7 શહેરનું રાતનું તાપમાન 24.6થી 26.8 ડિગ્રી નોંધાયું

રાજ્યનાં 7 શહેરોમાં રાત સૌથી ગરમ રહી છે. સાત શહેરોમાં રાત્રિનું તાપમાન 24.6થી 26.8 ડિગ્રી રહેતાં રાત્રિ દરમિયાન ઠંડક ઓછી હતી. દીવને બાદ કરતાં 6 શહેરોમાં ગરમીનો પારો 38.2 થી 40 ડિગ્રી રહેવાના કારણે દિવસ દરમિયાન પણ આકરી ગરમી અનુભવાઇ હતી. દીવનું દિવસનું તાપમાન 31.7 ડિગ્રી રહ્યું હતું.
. ભાવનગરનાં 119 વર્ષના ઇતિહાસમાં 26.8 ડિગ્રી સાથે પાંચમી સૌથી ગરમ રાત રહી હતી. ભાવનગરમાં 27.8 ડિગ્રીના સૌથી ઊંચા તાપમાનનો રેકોર્ડ ગત 26 માર્ચ, 2017નો રહ્યો છે. ડીસાનાં 53 વર્ષના ઇતિહાસમાં 25.6 ડિગ્રી સાથે ચોથી સૌથી ગરમ રાત રહી હતી. અમદાવાદમાં 28 ડિગ્રી સૌથી ઊંચા તાપમાનનો રેકોર્ડ ગત 31 માર્ચ, 1991નો રહ્યો છે. વડોદરાના છેલ્લાં 64 વર્ષના ઇતિહાસમાં 26.0 ડિગ્રી સાથે પાંચમી સૌથી ગરમ રાત રહી હતી. વડોદરામાં 27.7 ડિગ્રી સૌથી ઊંચા તાપમાનનો રેકોર્ડ ગત 30 માર્ચ, 1973નો રહ્યો છે
ડીસામાં 26.9 ડિગ્રી સૌથી ઊંચા તાપમાનનો રેકોર્ડ ગત 30 માર્ચ, 1974નો રહ્યો છે. દીવના છેલ્લાં 47 વર્ષના ઇતિહાસમાં 24.6 ડિગ્રી સાથે છઠ્ઠી સૌથી ગરમ રાત રહી હતી. દીવમાં 29.2 ડિગ્રીના સૌથી ઊંચા તાપમાનનો રેકોર્ડ ગત 30 માર્ચ, 1977નો રહ્યો છે.
ગાંધીનગરનાં છેલ્લાં 49 વર્ષના ઇતિહાસમાં 26.8 ડિગ્રી સાથે બીજી સૌથી ગરમ રાત રહી હતી. ગાંધીનગરમાં 27.5 ડિગ્રીના સૌથી ઊંચા તાપમાનનો રેકોર્ડ ગત 28 માર્ચ, 2017 નો રહ્યો છે. સુરેન્દ્રનગરનાં 67 વર્ષના ઇતિહાસમાં 25.6 ડિગ્રી સાથે છઠ્ઠી સૌથી ગરમ રાત રહી હતી. સુરેન્દ્રનગર 27.4 ડિગ્રીના સૌથી ઊંચા તાપમાનનો રેકોર્ડ ગત 27 માર્ચ, 2015નો રહ્યો છે.