સ્વામિનારાયણ મંદિર વડતાલધામ સંચાલિત વિશ્વવિખ્યાત સાળંગપુરધામમાં કષ્ટભંજનદેવ હનુમાનજી મંદિર ખાતે કેવડાત્રીજ નિમિતે આજે મંગળવારના રોજ પ.પૂ.શાસ્ત્રી સ્વામી હરિપ્રકાશદાસજી (અથાણાવાળા)ની પ્રેરણાથી એવં કોઠારી વિવેકસાગરદાસ સ્વામીના માર્ગદર્શનથી એવં પૂજારી સ્વામીની મહેનતથી કષ્ટભંજનદેવ હનુમાનજી દાદાને કમળકાકડી,લવિંગ, એલચીના વાઘાનો દિવ્ય શૃંગાર કરી મંગળા આરતી પૂજારી સ્વામી તથા શણગાર આરતી કોઠારી વિવેકસાગરદાસ સ્વામી(અથાણાવાળા)દ્વારા કરવામાં આવેલ. એવં કષ્ટભંજનદેવ દાદાના સિંહાસનને કેવડા, ફૂલનો શણગાર કરવામાં આવેલ. મંદિરના પટાંગણમાં મારૂતિ યજ્ઞ કરવામાં આવેલ. ભક્તોએ ઓનલાઈન તથા પ્રત્યક્ષ દર્શનનો લાભ લઈ ધન્યતા અનુભવી હતી.
