ભાવનગર લોકલ ક્રાઇમ બ્રાંચની ટીમે મહુવા ડિવિઝન વિસ્તારમાં રાત્રિ પેટ્રોલીંગ દરમિયાન વિદેશી દારૂની હેરાફેરીનું નેટવર્ક ઝડપી પાડ્યું છે. મહુવા-ભાવનગર નેશનલ હાઇવે પર મીરાપરી ખોડિયાર મંદિર પાસે પોલીસને ચોક્કસ બાતમી મળી હતી કે, સથરા ગામનો ચેતન વલ્લભભાઈ ઢાપા પોતાની મોટરસાયકલ પર વિદેશી દારૂનો જથ્થો લઈને તરેડી ગામથી હાઇવે તરફ નીકળવાનો છે.આ બાતમીના આધારે એલસીબી સ્ટાફે બે પંચોને સાથે રાખી તરેડી રોડ પર વોચ ગોઠવી હતી. મધ્યરાત્રિએ ૦૦:૪૫ વાગ્યે એક બાઇક ચાલક પ્લાસ્ટિકના બાચકા સાથે આવતા તેને રોકવાનો પ્રયાસ કરાયો હતો. જો કે, પોલીસને જોઈને આરોપી ચેતન ઢાપા અંધારાનો લાભ લઈ પોતાનું મોટરસાયકલ, દારૂ અને મોબાઇલ સ્થળ પર જ મૂકી ખેતરોમાં ભાગી છૂટ્યો હતો.
પોલીસે તપાસ કરતા ઈંગ્લીશ દારૂ ૧૮૦ ML ની ૩૬ બોટલ – કિંમત રૂ.5,400 મળી આવેલ પોલીસે દારૂ તથા હીરો સ્પ્લેન્ડર પ્લસ બાઈક નંબર GJ-04-EF-0037 કી.રૂ.50 હજાર,મોબાઇલ: ૧ નંગ કિંમત 5 હજાર મળી કુલ રૂ. 60.400નો મુદામાલ જપ્ત કરી ફરાર થયેલ આરોપી ચેતન ઢાપા વિરુદ્ધ મહુવા ગ્રામ્ય પોલીસ મથકમાં પ્રોહિબિશન એક્ટની કલમ ૬૫(એ, એ), ૧૧૬(બી) અને ૯૮(૨) મુજબ ગુનો નોંધી તેને ઝડપી પાડવા ચક્રો ગતિમાન કર્યા છે.
