ભાવનગર ખાતે LRD પોલીસ કોન્સ્ટેબલની પરીક્ષા હોય જેથી આહીર સમાજના જુદા જુદા જિલ્લા અમરેલી, ગીરસોમનાથ, રાજકોટ, જૂનાગઢ ખાતેથી પરીક્ષા આપવા આવેલ જેમાં અનંતવાડી આહીર બોર્ડીંગમાં ભાઈઓની સંખ્યા ૧૦૦ તેમજ વણાર આહીર બોર્ડિંગમાં ભાઈઓ-૮૦, બહેનો-૧૨૦ તથા તેઓના વાલીઓ-૫૦ સહીત કુલ ૩૫૦ જણાઓને ઉતારો આપી ડિનર તથા નાસ્તાની વ્યવસ્થા કરેલ અને સવારના તેઓની સ્કૂલના પરીક્ષા સેન્ટર સુધી પહોંચાડવામાં મદદ કરવામાં આવી હતી.
આ પ્રસંગે ગત સાંજના આહીર સમાજના અગ્રણીઓ ભાવનગર જિલ્લા ભાજપના મહામંત્રી ગેમાભાઈ ડાંગર, ભાવનગર તાલુકા પંચાયત ઉપપ્રમુખ દિનેશભાઇ સાંગા તથા ભાવનગર મહાનગર ભાજપાના ઉપપ્રમુખ શૈલેષભાઇ હુંબલ તથા અગ્રણીઓ વિજયભાઈ આહીર(, મહાવીરભાઈ ડાંગર, ગોવિંદભાઇ ભેટારીયા ઉપસ્થિત રહેતા,તેઓનું એન.એમ. રોયલા વણાર આહીર બોર્ડિંગ કમિટીના પ્રમુખ જેઠુરભાઈ બરાળ, સામતભાઇ કામળીયા, બી કે. આહીર, દિનેશભાઇ પોસાતર તથા યુવા આગેવાન હરદીપભાઈ રોયલા, વાલાભાઇ હરકટ,દાનુભાઈ દેસાઈ, જોરૂભાઇ મોભ, ભીમભાઇ મોભ, જોરૂભાઇ હરકટ નાઓ દ્વારા સાલ અને પુષ્પ હારથી સન્માન કરવામાં આવ્યું.
આ પ્રસંગે ઉપસ્થિત આગેવાનોએ પરીક્ષાર્થીઓને જરૂરી માર્ગદર્શન અને તમામ મદદની ખાત્રી આપેલ.આ પરીક્ષાર્થીઓને તેમના પરીક્ષા સ્થળ સુધી પહોંચાડવામાં ભીમભાઇ મોભ, અનકભાઈ મોભ , જોરૂભાઇ હરકટ (ઉમરલા ), મનુભાઈ પોપટ નાઓએ પોતાના વાહનો થકી ઉત્તમ મદદ કરી જહેમત ઉઠાવેલ અને બોર્ડિંગના ગૃહપતિ વિમલભાઈ ડાંગર અને દિલીપભાઈ પોસાતરે આપણા વડીલ સુરિંગબાપુ વાઘોશી તથા બોર્ડિંગના ટ્રસ્ટી સામતભાઇ કામળીયાના માર્ગદર્શનમાં તમામ મેનેજમેન્ટ કરી સામાજિક સેવા પૂરી પડેલ તેમજ કર્મયોગી સંગઠનનો પણ મહત્વનું યોગદાન રહ્યું છે.
