સોમનાથ નેશનલ હાઈવે પર તળાજા-મહુવા રોડ પર પસવી ગામ નજીક એક ગમખ્વાર અકસ્માત સર્જાયો હતો . મળતી માહિતી મુજબ, બે યુવકો બાઈક પર તળાજાથી મહુવા તરફ જઈ રહ્યા હતા, તે દરમિયાન અચાનક રોડ પર એક નીલગાય આવી ચડતા બાઈક તેની સાથે ધડાકાભેર અથડાઈ હતી.
આ અકસ્માતમાં બાઈક સવાર અલ્ફાજ નામના યુવકને ગંભીર ઈજાઓ પહોંચતા તેનું ઘટનાસ્થળે જ કરુણ મોત નીપજ્યું હતું. સ્થાનિકોના જણાવ્યા અનુસાર, મૃતક અલ્ફાજ ભાવનગરમાં સુઝુકી શોરૂમમાં ફરજ બજાવતો હતો. જ્યારે બાઈક પાછળ બેઠેલા આકાશભાઈને ગંભીર ઈજાઓ પહોંચતા તેમને તાત્કાલિક સારવાર અર્થે નજીકની હોસ્પિટલ ખસેડાયા છે. હાઈવે પર પશુઓ આડા ઉતરવાના કારણે બનેલી આ ઘટનાથી અરેરાટી વ્યાપી ગઈ છે.
