આતંકવાદીઓના ઠેકાણા ગણાતા પાકિસ્તાનમાં જોરદાર બોમ્બ બ્લાસ્ટ થયો છે. આ બ્લાસ્ટ ક્વેટાના કંધારી માર્કેટમાં થયો હતો. સમાચાર લખાય છે ત્યાં સુધી આ બ્લાસ્ટમાં 4 લોકોના મોતના સમાચાર સામે આવ્યા છે. પાક મીડિયા અનુસાર, ક્વેટાના કંધારી માર્કેટમાં થયેલા ઘાતક વિસ્ફોટમાં અત્યાર સુધીમાં 4 લોકો માર્યા ગયા છે અને 11 ઘાયલ થયા છે. ક્વેટાના કંધારી બજારમાં પોલીસના વાહનને નિશાન બનાવીને આ બ્લાસ્ટ કરવામાં આવ્યો છે. પોલીસની પ્રાથમિક તપાસમાં જાણવા મળ્યું છે કે હુમલામાં અનેક લોકો ઘાયલ થયા છે.
આ પહેલા શનિવારે ખૈબર આદિવાસી જિલ્લાના બારા તાલુકામાં વિસ્ફોટ થયો હતો, જેમાં ઓછામાં ઓછા બે સૈનિકો માર્યા ગયા હતા. ન્યૂઝ એજન્સી ડોને પાકિસ્તાન સેનાને ટાંકીને આ માહિતી આપી હતી. વિસ્ફોટમાં નાયબ સુબેદાર હઝરત ગુલ (37) અને કોન્સ્ટેબલ નઝીર ઉલ્લાહ મહેસૂદ (34) માર્યા ગયા હતા. તે ઇમ્પ્રુવાઇઝ્ડ એક્સપ્લોઝિવ ડિવાઇસ (IED) બ્લાસ્ટ હતો.
