વડાપ્રધાન નરેન્દ્ર મોદી 28 મેના રોજ નવા સંસદ ભવનનું ઉદ્ઘાટન કરવા જઈ રહ્યા છે. અહેવાલ મુજબ રાષ્ટ્રપતિ દ્રૌપદી મૂર્મુને આમંત્રણ આપવામાં ના આવતાં કોંગ્રેસ, તૃણમૂલ, આમ આદમી પાર્ટી સહિત 19 પાર્ટીઓએ આ કાર્યક્રમનો બહિષ્કાર કર્યો હતો. તેઓએ સંયુક્ત નિવેદન જારી કરીને કહ્યું કે તેઓ નવા સંસદ ભવનનાં ઉદ્ઘાટનમાં ભાગ લેશે નહીં. જો કે હવે 19 પક્ષોના બહિષ્કાર પછી, હવે સરકારના નિર્ણયની તરફેણમાં 25 પક્ષો છે, જે 28 મેના રોજ સંસદભવનના ઉદ્ઘાટન સમારોહમાં ભાગ લેશે.
રવિવારેવડા પ્રધાન નરેન્દ્ર મોદી દ્વારા નવા સંસદ ભવનનાં ઉદ્ઘાટનમાં NDA સિવાયના 25 પક્ષો હાજરી આપવા માટે તૈયાર છે. ઓડિશાના બીજુ જનતા દળ, આંધ્રની વાયએસઆર કોંગ્રેસ, પંજાબના શિરોમણી અકાલી દળે ભાજપ અને વિપક્ષી ગઠબંધનથી ‘સમાન અંતર’ રાખીને નવા સંસદ ભવનનાં ઉદ્ઘાટન સમયે તેમની હાજરીની જાહેરાત કરી છે. નવીન પટનાયક, જગનમોહન રેડ્ડી, સુખબીર બાદલનો આ નિર્ણય આગામી વર્ષની લોકસભાની ચૂંટણી પહેલા ચોક્કસપણે ભાજપને રાહત આપશે. મેઘાલયના મુખ્યમંત્રી કોનરાડ સંગમાની પાર્ટી એનપીપીએ પહેલાથી જ રવિવારે તેના પ્રતિનિધિ મોકલવાની જાહેરાત કરી દીધી છે.
વિરોધ પક્ષોના આહ્વાનને નકારીને આ પક્ષોએ સમારોહમાં ભાગ લેવાનું કહ્યું છે. આમાંના ઘણા પક્ષો ભાજપ અથવા વિપક્ષી ગઠબંધનના અન્ય કોઈ જૂથ સાથે સીધા જોડાયેલા નથી. જો કે, આંધ્રપ્રદેશની શાસક વાયએસઆર કોંગ્રેસની જેમ, મુખ્ય વિપક્ષી તેલુગુ દેશમ પાર્ટી (ટીડીપી) પણ સત્તાવાર રીતે એનડીએના સભ્ય ન હોવા છતાં સરકારના કાર્યક્રમમાં જોડાઈ રહી છે. 2019ની લોકસભા ચૂંટણી પહેલા ‘વિપક્ષી એકતા’ બનાવવા માટે TDPના વડા ચંદ્રબાબુ નાયડુના પગલાને ‘મહત્વપૂર્ણ’ માનવામાં આવી રહ્યું છે. ચિરાગ પાસવાન પણ રવિવારે સેન્ટ્રલ વિસ્ટા ખાતે જોઈ શકાય છે, જોકે તેની સત્તાવાર જાહેરાત થવાની બાકી છે.
ભાજપના સાથી પક્ષોમાં ત્રણ કેન્દ્રીય રાજ્ય મંત્રીઓ – પશુપતિ પારસની રાષ્ટ્રીય લોક જનશક્તિ પાર્ટી, રામદાર અઠવાલની RPIA, અનુપ્રિયા પટેલની અપના દળ (એસ) – સંસદના ઉદ્ઘાટનમાં હાજર રહેશે. મહારાષ્ટ્રના મુખ્ય પ્રધાન એકનાથ શિંદેની શિવસેના, હરિયાણાના નાયબ મુખ્ય પ્રધાન દુષ્યંત ચૌટાલાની જેજેપી, તમિલનાડુના ભૂતપૂર્વ મુખ્ય પ્રધાન પલાનીસ્વામીની ADMK, ઝારખંડના ભૂતપૂર્વ નાયબ મુખ્ય પ્રધાન સુદેશ મહતોની AJSU પણ ત્યાં હશે. તમિલ મનિલા કોંગ્રેસ, IMKMK જેવા પ્રાદેશિક પક્ષો પણ. રવિવારે નવા સંસદ ભવનનાં ઉદ્ઘાટન વખતે સિક્કિમના મુખ્ય પ્રધાન પ્રેમ સિંહ તમંગનો સિક્કિમ ક્રાંતિકારી મોરચો, નાગાલેન્ડના મુખ્ય પ્રધાન નેફિયુ રિયોનો NDPP, મિઝોરમના મુખ્ય પ્રધાન જોરામથાંગાનો મિઝો નેશનલ ફ્રન્ટ પણ જોવા મળશે. નાગાલેન્ડ પીપલ્સ પાર્ટી પણ હશે.
