અમદાવાદ
અમદાવાદમાં શુક્રવારે IPL ક્વોલિફાયર-2 મેચ પહેલાં જ અચાનક વાતવરણમાં પલટો આવતા ક્રિકેટ રસિયાઓમાં ભાગદોડ મચી ગઇ હતી. કડાકા ભડાકા સાથે ઝાપટું પડતાં લોકોએ વરસાદથી બચવા માટે સ્ટેડિયમ તરફ દોટ મુકી હતી. એકાએક વાતાવરણમાં પલટો આવતા શહેરના અનેક વિસ્તારોમાં રોડ પર પાણી ફરી વળ્યું હતું. અમદાવાદમાં ભારે ગરમી અને ઉકળાટ વચ્ચે વાતાવરણમાં ઠડંક પ્રસરી જવા પામી હતી.
શહેરના વાડજ, નવાવાડજ, ચાંડખેડા, SG હાઈવે, થલતેજ, મકરબા, રાણીપ, બોપલ સહિતના વિસ્તારોમાં શુક્રવારે સાંજે આ વરસાદી ઝાપડા પડ્યા હતા. એકાએક વરસાદ પડતા કામ અર્થે બહાર નીકળેલા લોકોને ભીંજાવાનો વારો આવ્યો હતો તો બીજી તરફ આજે નરેન્દ્ર મોદી સ્ટેડિયમમાં ગુજરાત ટાઇટન્સ અને મુંબઈ ઇન્ડિયન વચ્ચે મેચ શરૂ થાય તે પહેલાં વરસાદ શરૂ થયો છે. વરસાદ શરૂ થતાં લોકોમાં દોડધામ મચી હતી. વરસાદ પડતાની સાથે જ લોકો મેટ્રો ટ્રેનના પિલરની નીચે ઉભા રહી ગયા હતા.
