ઈમ્ફાલ અને જીરીબામમાં શાળાઓ અને કોલેજો 13 દિવસ બંધ રહ્યા બાદ શુક્રવારે ફરી ખુલશે. એજ્યુકેશન ડિરેક્ટોરેટે પોતાના આદેશમાં કહ્યું છે કે, અસરગ્રસ્ત જિલ્લાઓમાં તમામ સરકારી, અનુદાનિત, ખાનગી અને કેન્દ્રીય શાળાઓમાં શુક્રવારથી વર્ગો શરૂ થશે.ઉચ્ચ અને ટેક્નિકલ શિક્ષણ વિભાગે શુક્રવારથી જ તમામ સરકારી સહાયિત કોલેજો અને રાજ્યની યુનિવર્સિટીઓ ખોલવાનો આદેશ પણ જારી કર્યો છે. જીરીબામમાં સુરક્ષા દળો અને કુકી આતંકવાદીઓ વચ્ચે ગોળીબારની વિનિમય બાદ 16 નવેમ્બરથી તમામ શૈક્ષણિક સંસ્થાઓ બંધ છે.
જો કે, ઇમ્ફાલ વેલી અને જીરીબામમાં હજુ પણ પ્રતિબંધક આદેશો અમલમાં રહેશે. શાળાઓ અને કોલેજો ખુલ્યા બાદ કર્ફ્યુમાં રાહત આપવામાં આવશે કે કેમ તે અંગે સત્તાવાળાઓએ હજુ સ્પષ્ટતા કરી નથી. હિંસા ફાટી નીકળ્યા બાદ ઇમ્ફાલ વેસ્ટ, ઇમ્ફાલ ઇસ્ટ, બિષ્ણુપુર, થૌબલ, કાકચિંગ, કાંગપોકપી, ચુરાચંદપુર, જીરીબામ અને ફેરઝૌલ સહિત નવ જિલ્લાઓમાં મોબાઇલ ઇન્ટરનેટ અને ડેટા સેવાઓ સ્થગિત કરવામાં આવી હતી.
