યુદ્ધની સ્થિતિમાં અમેરિકાએ ડુમ્સડે બેલિસ્ટિક મિસાઇલનું પરીક્ષણ કરતા વિશ્વમાં ખળભળાટ

ઈરાન અને અમેરિકા-ઈઝરાયેલ વચ્ચે ચાલી રહેલું યુદ્ધ હવે વિનાશક વળાંક પર પહોંચ્યું છે. છેલ્લા પાંચ

દિવસમાં 1100થી વધુ લોકોએ જીવ ગુમાવ્યા છે અને સંઘર્ષની આગ હવે હિંદ મહાસાગર સુધી ફેલાઈ

ગઈ છે.
મધ્ય પૂર્વમાં ભીષણ જંગ ચાલુ છે ત્યારે અમેરિકાએ પોતાની સૈન્ય તાકાતનું પ્રદર્શન કરતા

‘મિનટમેન-III’ નામની ઇન્ટરકોન્ટિનેન્ટલ બેલિસ્ટિક મિસાઈલ (ICBM) નું સફળ પરીક્ષણ કર્યું છે. આ

મિસાઈલ પરમાણુ હુમલો કરવા સક્ષમ છે અને હિરોશિમા પર ફેંકાયેલા બોમ્બ કરતા 20 ગણી વધુ

શક્તિશાળી છે. કેલિફોર્નિયાથી કરાયેલું આ પરીક્ષણ ઈરાન માટે સીધી ચેતવણી માનવામાં આવે

છે.પશ્ચિમ એશિયામાં ચાલી રહેલા યુદ્ધ વચ્ચે, અમેરિકાએ મંગળવારે રાત્રે કેલિફોર્નિયાના દરિયાકાંઠે એક

વિનાશક ડૂમ્સડે મિસાઇલનું પરીક્ષણ કર્યું. ન્યૂ યોર્ક પોસ્ટના અહેવાલ મુજબ, મિનિટમેન III બેલિસ્ટિક

મિસાઇલ રાત્રે 11 વાગ્યે સાન્ટા બાર્બરા નજીક વેન્ડેનબર્ગ સ્પેસ ફોર્સ બેઝ પરથી લોન્ચ કરવામાં આવી

હતી. તે હિરોશિમા પર ફેંકવામાં આવેલા પરમાણુ બોમ્બ કરતાં 20 ગણા વધુ શક્તિશાળી પરમાણુ

હથિયાર વહન કરવામાં સક્ષમ છે.
લેબેનોનના હેલ્થ મિનિસ્ટ્રીના અહેવાલ અનુસાર ઈઝરાયલી સૈન્યએ ત્રિપોલીના તટીય વિસ્તારમાં

પેલેસ્ટિનીઓના શરણાર્થી કેમ્પની ઈમારતને નિશાન બનાવી હતી. જેમાં બે લોકોએ જીવ ગુમાવ્યા.

કોઈપણ પ્રકારની ચેતવણી આપ્યા વગર આ હુમલો કરવામાં આવ્યો હતો.