અલંગમાં પાન મસાલાની દુકાનમાં ૨૦ હજારની મત્તાની થયેલી ચોરી

અલંગમાં આવેલ પાન મસાલા અને કોલ્ડ્રીંકસ ની દુકાનમાં ચોરીની ઘટના બનતા પોલીસે તપાસ હાથ ધરી છે.
આ બનાવ અંગે મળતી વિગતો મુજબ અલંગના પ્લોટ નંબર ૨૯ સામે આવેલ ત્રાપજ ગામના મહિપાલસિંહ ભગવાનભાઈ વાળાની માલિકીની સંતકૃપા પાન એન્ડ કોલ્ડ્રિંક્સ નામની પાન મસાલાની દુકાનનું શટર આગળના ભાગેથી ખેંચે તસ્કરે દુકાનમાં પ્રવેશ કરી દુકાનમાં રાખેલ ગુટખા, બીડી, સિગારેટ, ટીવી તેમજ રૂ.૬૦૦૦ રોકડા મળી કુલ રૂ. ૧૯ ૮૦૦૦ ની મતાની ચોરી કરી ફરાર થઈ ગયો હતો.
આ બનાવ અંગે માહિપાલસિંહે અલંગ મરીન પોલીસ મથકમાં ગુનો નોંધાવતા અલંગ મરીન પોલીસે આઇપીસી કલમ ૪૫૭,૩૮૦ મુજબ ગુનો નોંધી તપાસ હાથ ધરી છે. આ બનાવમાં અલંગ શિપ યાર્ડમાં રહેતા આકાશ ભૈયાએ પણ ચોરી કરીની શંકા વ્યક્ત કરી છે.