ગારીયાધાર પોલીસે નવાગામ રોડ મફતપરા વિસ્તારમાં જાહેરમાં ચાલતા જુગારધામ પર લાલ આંખ કરી તીન પત્તીનો જુગાર રમતા ત્રણ શખ્સોને રંગેહાથ ઝડપી પાડ્યા છે.
પ્રાપ્ત માહિતી અનુસાર, ગારીયાધાર પી.આઈ. આર.ડી. રબારીની સુચનાથી પોલીસ સ્ટાફ ટાઉન વિસ્તારમાં ખાનગી મોટરસાયકલ પર પેટ્રોલીંગ કરી રહ્યો હતો. તે સમયે બાતમી મળી હતી કે નવાગામ રોડ મફતપરા પાસે આઈ.ટી.આઈ. નજીક સલીમ કડિયાના ઘર પાછળ, ખારાના કાંઠે કેટલાક ઈસમો જાહેરમાં જુગાર રમી રહ્યા છે.
પોલીસે પંચોને સાથે રાખી બાતમીવાળી જગ્યાએ કોર્ડન કરીને દરોડો પાડતા ગંજીપાના અને રોકડ રકમ વડે હારજીતનો જુગાર રમતા ત્રણ શખ્સો અલ્ફાઝ યુસુફભાઈ ખોખર ઉ.વ. ૨૭, ગોપાલભાઈ મધુભાઈ ધોળકીયા ઉ.વ. ૨૨, તથા આસીફભાઈ સલીમભાઈ બુકેરા ઉ.વ. ૨૧,તમામ રહે. નવાગામ રોડ મફતપરા, ગારીયાધાર વાળા ઝડપાઈ ગયા હતા. પોલીસે તમામની અટકાયત કરી આગળની કાયદેસરની કાર્યવાહી હાથ ધરી છે.
