બોટાદ જિલ્લા SOG પોલીસે ગઢડા પંથકમાં પેટ્રોલિંગ દરમિયાન દેશી હથિયાર સાથે એક શખ્સની ધરપકડ કરી ધોરણસરની કાર્યવાહી હાથ ધરી હતી. . ગઢડા પોલીસ સ્ટાફ વિસ્તારમાં પેટ્રોલિંગમાં હતો.તે દરમિયાન ચોક્કસ બાતમીના આધારે ગઢડા રોડ પર આવેલા હોળાયા ગામ પાસેથી મુકેશભાઈ ઉર્ફે હકો હરેશભાઈ પારેખ (રહે. હોળાયા) નામના ઈસમને અટકાવવામાં આવ્યો હતો. તેની તલાશી લેતા પોલીસને તેની પાસેથી રૂ.5,000ની કિંમતનો એક હાથ બનાવટનો દેશી તમંચો મળી આવ્યો હતો. પોલીસે દેશી તમંચા અને રૂ.10,000 ના એક મોબાઈલ ફોન સહિત કુલ 15,000 નો મુદ્દામાલ કબજે કરી આરોપી વિરુદ્ધ ગુનો નોંધી ધોરણસરની કાયદેસરની કાર્યવાહી હાથ ધરી છે.
Advertisement
