ભાવનગર જિલ્લાના વલ્લભીપુર પોલીસ સ્ટેશનના પોલીસકર્મીઓ પેટ્રોલિંગમાં હતા તે દરમિયાન બાતમી મળી હતી કે મૂળઘરાઈ ગામ વિસ્તારમાં રહેતા નિલેશભાઈ ઈશ્વરભાઈ ગોહિલ પોતાના રહેણાંક મકાનમાં ભારતીય બનાવટનો વિદેશી દારૂ રાખી વેચાણ કરે છે. આ બાતમીના આધારે પોલીસે પંચોને સાથે રાખીને શંકાસ્પદ મકાનમાં રેડ કરી હતી.
દરોડા દરમિયાન આરોપી નિલેશભાઈ ઘરે હાજર મળી આવ્યા ન હતા, પરંતુ પોલીસે પંચોની હાજરીમાં મકાનની અંદર તપાસ કરતા કબાટ નીચેથી પરપ્રાંતીય ઇંગ્લિશ દારૂની કાચની નાની-મોટી બોટલો મળી આવી હતી. જેમાં પંજાબ વેચાણ અર્થેની રોયલ ચેલેન્જ અને રોયલ સ્ટેગ વ્હિસ્કીની બોટલો મળી કુલ ૮૬૦ રૂપિયાની કિંમતનો મુદ્દામાલ પોલીસે પંચનામું કરી કબ્જે કર્યો હતો.
પોલીસે પ્રોહિબિશન એક્ટની કલમ હેઠળ ગુનો નોંધી, ઘરે હાજર નહીં મળી આવેલા આરોપી નિલેશભાઈ ઈશ્વરભાઈ ગોહિલ (રહે. મૂળઘરાઈ, તા. વલ્લભીપુર) ને ઝડપી પાડવા અને આ દારૂ ક્યાંથી લાવ્યો તે અંગેની આગળની કાયદેસરની તપાસ હાથ ધરી છે.
