યુજીસી બિલની વિરુદ્ધ આગ્રામાં રવિવારે મોટી સંખ્યામાં લોકો ટ્રેકટર લઇને સડકો પર ઉતરી આવ્યા હતાં. પોલીસની નાકાબંદી તોડીને દેખાવકારો ખેતરોનાં માર્ગે ટ્રેકટરો લઇને એકત્ર થયા હતાં.સ્થિતિને ધ્યાનમાં રાખીને મુડી ચાર રસ્તા સહિત અનેક સ્થળોએ મોટી સંખ્યામાં પોલીસ દળ તૈનાત કરવામાં આવ્યું હતું.
દેખાવકારોએ ઉત્તર પ્રદેશ ગૌસેવા આયોગનાં સભ્ય રમાકાંત ઉપાધ્યાયની પણ કાર રોકી હતી. યુજીસી મુક્તિ મોરચાએ યુજીસી બિલની વિરુદ્ધ રવિવાર જલેસર રોડ સ્થિત મુડી ચાર રસ્તાથી કલેક્ટર ઓફિસ સુધી ટ્રેકટર માર્ચ અને સભાની જાહેરાત કરી હતી. પ્રસ્તાવિત દેખાવોને ધ્યાનમાં રાખીને ખંદોલી પોલીસ સ્ટેશનનાં મુડી ચાર રસ્તા પોલીસ છાવણીમાં રૂપાંતરિત કરવામાં આવ્યા હતાં. દેખાવકારોને રોકવા ઠેર ઠેર પોલીસ બંદોબસ્ત ગોઠવવામાં આવ્યો હતો.આગ્રા-હાથરસ રોડની નાકાબંદી કરી સંપૂર્ણ રીતે બંધ કરી દેવામાં આવ્યો હતો.
મુડી ચાર રસ્તાથી કલેક્ટર ઓફિસ લગભગ ૨૫ કિમી દૂર છે. સમગ્ર માર્ગ પર અધિકારી સતત પેટ્રોલિંગ કરી રહ્યાં હતાં.યુજીસી મુક્તિ મોરચા અધ્યક્ષ રિટાયર્ડ સીઓ ધર્મેન્દ્ર સિંહનાં નેતૃત્ત્વમાં સવારે ભીડ એકત્ર થઇ રહી હતી. મુડી ચાર રસ્તા પર સભાનું આયોજન કરવામાં આવ્યું હતું.આ સભામાં યુજીસી પરત લેવાની માંગ કરવામાં આવી હતી. ત્યાંથી નીકળનારી ટ્રેકટર માર્ચને રોકવા માટે અધિકારીઓએ બુલડોઝર મંગાવી લીધા હતાં અને રસ્તાઓ બંધ કરી દીધા હતાં.
———————-
