PM નરેન્દ્ર મોદી જાપાનમાં G-7 સમિટમાં ભાગ લીધા બાદ પાપુઆ ન્યૂ ગિની પહોંચ્યા હતા. અહીં તેમનું ભવ્ય સ્વાગત કરવામાં આવ્યું હતું. પાપુઆ ન્યુ ગીનીના એરપોર્ટ પર યજમાન દેશના વડાપ્રધાન જેમ્સ મરાપેએ પીએમ મોદીના પગ સ્પર્શ કરીને તેમનું સ્વાગત કર્યું હતું. નરેન્દ્ર મોદી પપુઆ ન્યુ ગિનીની મુલાકાત લેનારા ભારતના પ્રથમ વડાપ્રધાન છે.
વડાપ્રધાન નરેન્દ્ર મોદીનું આ સ્વાગત એટલા માટે પણ ખાસ છે કારણ કે પાપુઆ ન્યૂ ગિની દેશમાં એવો નિયમ છે કે સૂર્યાસ્ત પછી ત્યાં આવનાર કોઈપણ વિદેશી નેતાનું ઔપચારિક સ્વાગત કરવામાં આવતું નથી, પરંતુ પીએમ મોદીનું આગમન થતાં જ ભવ્ય સ્વાગત કરવામાં આવ્યું હતું. પીએમ મોદી એવા પહેલા વ્યક્તિ છે જેમના માટે આ દેશે પોતાની જૂની પરંપરા તોડી છે.
