કાયદો પોતાનું કામ કરશે, પોલીસ તપાસ કરી રહી છે- ગૃહમંત્રી અમિત શાહ

રેસલિંગ ફેડરેશન ઓફ ઈન્ડિયાના પૂર્વ પ્રમુખ બ્રિજભૂષણશરણ સિંહનો વિરોધ કરી રહેલા કુસ્તીબાજોએ ગૃહમંત્રી અમિત શાહ સાથે મુલાકાત કરી છે. મીડિયા રિપોર્ટ મુજબ અમિત શાહના નિવાસસ્થાને આ બેઠક લગભગ દોઢ થી બે કલાક સુધી ચાલી હતી. ખાપ પંચાયતોએ કેન્દ્રને 9 જૂન સુધીનું અલ્ટીમેટમ આપ્યું છે ત્યારે અમિત શાહ કુસ્તીબાજોને મળ્યા છે.
કુસ્તીબાજોએ અમિત શાહ પાસે બ્રિજભૂષણ શરણ સિંહની ધરપકડની માંગ કરી છે. આ પછી, ગૃહ પ્રધાને કુસ્તીબાજો સાથે કોઈપણ ભેદભાવ વિના સંપૂર્ણ તપાસની ખાતરી આપી. કુસ્તીબાજોએ જ અમિત શાહ સાથે મુલાકાતની સમય માંગ્યો હતો. અમિત શાહે કહ્યું કે, આ મામલે કાયદો પોતાનું કામ કરશે. પોલીસ તપાસ કરી રહી છે. તેણે કુસ્તીબાજોને પણ પૂછ્યું કે, શું પોલીસને તેમનું કામ કરવા માટે સમય ન આપવો જોઈએ. અમિત શાહ અને કુસ્તીબાજો વચ્ચે શનિવારે થયેલી બેઠક મોડી રાત્રે બે કલાક સુધી ચાલી હતી. રેસલર બજરંગ પુનિયા, સાક્ષી મલિક અને કેટલાક કોચ તેમાં સામેલ હતા.