પીપાવાવ રેલ કોર્પોરેશન લિમિટેડ (PRCL) દ્વારા સીએસઆર પ્રોજેક્ટ અંતર્ગત પશ્ચિમ રેલવે મહિલા કલ્યાણ સંગઠન (WRWWO) સંચાલિત બાલ મંદિર અને કિડ્સ હટ શાળાઓને આધુનિક સુવિધાઓ પૂરી પાડવામાં આવી છે. મંડળ રેલ પ્રબંધક દિનેશ વર્માના માર્ગદર્શન અને WRWWO ના અધ્યક્ષા શાલિની વર્માના પ્રયાસોથી યોજાયેલા કાર્યક્રમમાં શાળાઓની દીવાલો પર આકર્ષક શૈક્ષણિક ચિત્રો બનાવવામાં આવ્યા છે.
આ પ્રસંગે PRCL દ્વારા ૨૦ સ્કૂલ બેન્ચ, ૩ ઓફિસ બેન્ચ, ૮ કાર્પેટ, શૈક્ષણિક રમકડાં અને બાળકો માટે લાંબો સમય પાણી ઠંડુ રાખતી ૨૩૦ મિલ્ટન બોટલોનું વિતરણ કરવામાં આવ્યું હતું. કાર્યક્રમમાં PRCL ના મેનેજિંગ ડિરેક્ટર સીમા કુમાર, સિનિયર વાઇસ પ્રેસિડેન્ટ મુકુલ જૈન તેમજ વિવેકાનંદ રિસર્ચ ટ્રેનિંગ ઇન્સ્ટિટ્યૂટ (VRTI) ના અધ્યક્ષ નિતિન દવે અને અન્ય પદાધિકારીઓ હાજર રહ્યા હતા. છેલ્લા ૩૭ વર્ષથી કાર્યરત આ શાળાઓમાં આ સુવિધાથી બાળકોનું શૈક્ષણિક વાતાવરણ વધુ સુદ્રઢ બનશે.
