ભાવનગરની કરાટે એકેડેમી ઓફ જાપાન ગોજુરિયુ ઇન્ડીયાનો 36માં વર્ષમાં પ્રવેશ

તાજેતરમાં ગુજરાતની સહુથી મોટી ઇન્ટરનેશનલ કરાટે સંસ્થા કરાટે એકેડેમી ઓફ જાપાન ગોજુરિયુ ઇન્ડીયાનો ઘોઘાસર્કલ સંસ્કાર મંડળ (અખાડા), ભાવનગર ખાતે 35મો વાર્ષિક દિવસ ઉજવવ માં આવ્યો.હતો.
16 જુલાઈ 1991માં આ સંસ્થાની સ્થાપના થઈ અને આજે ગુજરાત અને ગુજરાત બહાર કુલ 57 જેટલા કેન્દ્રો સક્રિય રીતે કાર્યરત છે, જેમાં 8000થી વધુ વિદ્યાર્થીઓ નિયમિત તાલીમ લે છે. આ પ્રસંગે સંસ્થાના વિધાર્થીઓ દ્વારા સુંદર કરાટે ડેમોન્સ્ટ્રેશન રજૂ કરવામાં આવેલ. વાર્ષિક દિનની ઉજવણી સમયે વિવિધ ક્લાસીસમાંથી પસંદ કરેલ અને વર્ષ દરમિયાન સારુ પરફોર્મન્સ કરનાર 10 વિધાર્થીઓને બેસ્ટ સ્ટુડન્ટ એવોર્ડથી સન્માનિત કરવામાં આવેલ. કરાટેના ક્ષેત્રોમાં બ્લેકબેલ્ટની પદવી ઉચ્ચતમ પદવી ગણાય છે, તેમાં પણ 1 ડિગ્રી બ્લેક બેલ્ટથી લઇ 10 ડિગ્રી બ્લેક બેલ્ટ સુધીની પરીક્ષાઓ હોય છે. આ વર્ષે કરાટેમાં કઠિન ગણાતી બ્લેક બેલ્ટની પરીક્ષા કુલ 43 વિદ્યાર્થીઓએ અલગ અલગ કેટેગરીમાં આપી. આ વિવિધ કેટેગરીમાં ગત વર્ષ દરમિયાન 24 વિદ્યાર્થીઓએ 1 ડીગ્રી બ્લેક બેલ્ટની પરીક્ષા આપી, 14 વિદ્યાર્થીઓએ 2 ડિગ્રી બ્લેક બેલ્ટની પરીક્ષા આપી, 2 વિદ્યાર્થીઓએ 3 ડિગ્રી બ્લેક બેલ્ટની પરીક્ષા આપી અને 3 વિદ્યાર્થીઓએ 4 ડિગ્રી બ્લેક બેલ્ટની પરીક્ષા આપી,
આ તમામ વિધાર્થીઓ જેઓએ બ્લેક બેલ્ટ પરીક્ષા સફળતાપૂર્વક પાસ કરેલ તેમને ઇન્ટરનેશનલ સર્ટિફિકેટ આપી ડિગ્રી એનાયત કરવામાં આવેલ. આ પ્રસંગે ખુબ મોટી સંખ્યામાં વિધાર્થીઓ તેમજ વાલીગણ હાજર રહેલ. આ સમગ્ર કાર્યક્રમનું સંચાલન સંસ્થાના બ્લેક બેલ્ટ ઈન્સ્ટ્રક્ટર દ્વારા કરવામાં આવેલ. આભાર વિધિ સંસ્થાના ચીફ ઈન્સ્ટ્રક્ટર શિહાન પ્રદીપ પારેખ દ્વારા કરવામાં આવેલ.