ભાવનગર જિલ્લાના મહુવા પોલીસ મથકના સ્ટાફે પેટ્રોલિંગ દરમિયાન મળેલી બાતમીના આધારે દુધાળા ગામે દરોડો પાડીને સ્ટ્રીટલાઇટના અજવાળે જાહેરમાં જુગાર રમતા 9 શખ્સોને રોકડ સહીત મુદ્દામાલ સાથે ઝડપી લઈને ધોરણસરની કાર્યવાહી હાથ ધરી છે.
ભાવનગર જિલ્લાના મહુવા ગ્રામ્ય પોલીસ સ્ટેશનનો સ્ટાફ અમૃતવેલ ઓ.પી. વિસ્તારમાં રાત્રિ પેટ્રોલિંગમાં હતો, ત્યારે પોલીસ ટીમને ખાનગી બાતમી મળી હતી કે દુધાળા નં.૧ ગામે દુધેરી જવાના રસ્તે કેટલાક ઈસમો સ્ટ્રીટ લાઈટના અજવાળે જાહેરમાં જુગાર રમી રહ્યા છે. બાતમીના આધારે પોલીસે પંચોને સાથે રાખીને રાત્રે પોણા બાર વાગ્યાની આસપાસ ઘટનાસ્થળે દરોડો પાડ્યો હતો. રેડ દરમિયાન ૯ ઈસમો ગોળ કુંડાળું વળીને ગંજીપત્તાના પાના વડે પૈસાની હારજીતનો તીન પત્તીનો જુગાર રમતા રંગેહાથ ઝડપાઈ ગયા હતા.
પકડાયેલા શખ્સોમાં મનુભાઈ જોળીયા, કલ્પેશભાઈ જોળીયા, મુકેશભાઈ મકવાણા, નાનજીભાઈ જોળીયા, રાજુભાઈ જોળીયા, મગનભાઈ મકવાણા, રાકેશભાઈ જોળીયા, ભાવેશભાઈ જોળીયા અને શક્તિસિંહ વાળાનો સમાવેશ થાય છે. પોલીસે સ્થળ પરથી જુગારના સાહિત્ય તરીકે ગંજીપત્તાના પાના અને અંગઝડતી તથા દાવ પરથી કુલ રોકડ રકમ રૂ. ૧૨,૩૦૦/- કબ્જે કરી હતી. પોલીસે તમામ આરોપીઓની અટકાયત કરી તેમની સામે જુગાર ધારા કલમ ૧૨ મુજબ ગુનો નોંધી આગળની કાયદેસરની કાર્યવાહી હાથ ધરી છે.
