અમદાવાદ શહેરમાં અકસ્માતોનું પ્રમાણ વધતું જાય છે. શહેર પોલીસ કમિશનરે SG હાઈવે પર વાહનોની ગતિ મર્યાદા નિયંત્રિત કરી છે. છતાં બેફામ ઝડપે વાહનો દોડતા હોય છે. તેના લીધે અકસ્માત સર્જાય છે. ત્યારે અમદાવાદમાં છેલ્લા 48 કલાકમાં બે હિટ એન્ડ રનની ઘટના બની છે. અમદાવાદના SG હાઈવે પર કાર ચાલક માતા અને દીકરીને અડફેટે લઈ ફરાર થઈ ગયો હતો, આ દુર્ઘટનામાં માતા અને દીકરીનું ઘટના સ્થળે જ મોત નીપજ્યું હતું. તો 28 મેના રોજ અમરાઈવાડી બીઆરટીએસ ટ્રેકમાં ટુ-વ્હીલર પર જઈ રહેલી નર્સને કાર ચાલકે અડફેટે લીધી હતી.
