રાજ્યમાં વરસાદને લઈને હવામાન વિભાગ દ્વારા આગાહી કરવામાં આવી છે. ગુજરાતમાં આગામી 5 દિવસમાં વરસાદની સંભાવના વ્યક્ત કરવામાં આવી છે તેમજ આગામી 3 દિવસ છૂટોછવાયો વરસાદ થઈ શકશે તેમજ તા. 25, 26 તારીખે વરસાદની સિસ્ટમ સક્રિય થશે.
સૌરાષ્ટ્ર, કચ્છમાં નહિવત વરસાદની શક્યતા છે તેમજ અમદાવાદમાં છૂટોછવાયો વરસાદ થઈ શકશે. આ બાબતે હવામાન વિભાગનાં મનોરમા મોહંતીએ જણાવ્યું હતું કે આવનારા પાંચ દિવસમાં ગુજરાતમાં વરસાદ પડવાની શક્યતા છે, જેમાં દક્ષિણ ગુજરાતના વલસાડ, નવસારી, સુરતમાં છૂટોછવાયો વરસાદ પડી શકે છે તેમજ સૌરાષ્ટ્ર-કચ્છમાં વાદળછાયું વાતાવરણ રહેશે.
