વાઘાવાડી રોડ પર કારમાંથી વિદેશી દારૂની ૧૯ બોટલ મળી

ભાવનગરના વાઘાવાડી રોડ, ઘરશાળા બાલમંદિરવાળા ખાચામાં જાહેર રોડ પર પાર્ક કરેલી કારમાંથી એલસીબીએ વિદેશી દારૂની ૧૯ બોટલ કબજે કરી કાયદેસર કાર્યવાહી હાથ ધરી હતી.
એલસીબી પોલીસ સ્ટાફ વાઘાવાડી રોડ વિસ્તારમાં પેટ્રોલિંગમાં હતો તે દરમિયાન બાતમી મળી હતી કે, કેવિન કાંતિભાઈ પટેલ ( રહે વિજયરાજનગર વાળો ) વાઘાવાડી રોડ પર આવેલ ઘરશાળા બાલમંદિરવાળા ખાચામાં સ્વરા દિવાન ફ્લેટની સામે રોડ ઉપર પોતાની મારુતિ કંપનીની બ્રેઝા કારમાં વિદેશી દારૂ રાખી તેનું વેચાણ કરે છે. જે બાતમીના આધારે એલસીબીએ તપાસ કરતા કારની અંદર વિદેશી દારૂની ૧૯ બોટલ, કિં. રૂ. ૧૧,૯૭૦ મળી આવતા પોલીસે વિદેશી દારૂ અને કાર હસ્તગત કરી શખ્સ વિરુદ્ધ નીલમબાગ પોલીસ મથકમાં ગુનો દાખલ કરાવ્યો હતો.