ગોવિંદા ઘાયલ, પગમાં વાગી ગોળી

બોલિવૂડ એક્ટર અને શિવસેના નેતા ગોવિંદા સાથે જોડાયેલા ખરાબ સમાચાર સામે આવ્યા છે. અભિનેતાને રિવોલ્વરનો લોક ખુલ્લો રહેતા તેની જ બંદૂકથી તેને પગમાં ગોળી વાગી હતી. આ ઘટના સવારે 4.45 વાગ્યાની છે. અભિનેતા સવારે ક્યાંક જવા માટે તેના ઘરેથી નીકળી રહ્યો હતો ત્યારે એક મિસફાયર થયો અને તે ઘાયલ થયો. આ પછી તરત જ તેને કૃતિ કેર હોસ્પિટલમાં દાખલ કરવામાં આવ્યો હતો. પોલીસના જણાવ્યા અનુસાર ફાયરિંગ બાદ પોલીસ ઘટના સ્થળે પહોંચી હતી.
પોલીસે હવે આ મામલે તપાસ શરૂ કરી છે. પોલીસનું કહેવું છે કે ગોવિંદાની બંદૂક જપ્ત કરી લેવામાં આવી છે અને મામલાની ઊંડાણપૂર્વક તપાસ કરવામાં આવી રહી છે. હાલમાં ગોવિંદાના પગમાંથી ઘણું લોહી વહી ગયું છે, જેના કારણે તેની હાલત ખરાબ હોવાનું કહેવાય છે. તેમની બગડતી હાલતને જોતા તેમને હાલમાં અંધેરીની કૃતિ કેર હોસ્પિટલમાં દાખલ કરવામાં આવ્યા છે.