મન્ડે મેજીક! સેન્સેકસ 63000ને પાર

ભારતીય શેરબજાર તેજીની હરણફાળ ભરતુ રહ્યું હોય તેમ આજે ઓલરાઉન્ડ લેવાલીથી જોરદાર તેજી થઈ હતી. હેવીવેઈટ રોકડા સહીત મોટાભાગનાં શેરોમાં ઉછાળાથી સેન્સેકસ 500 પોઈન્ટના ઉછાળાથી 63000 ના લેવલને કુદાવી ગયો હતો. શેરબજારમાં આજે નવા સપ્તાહનો પ્રારંભ જ તેજીનાં ટોને થયો હતો.અમેરીકાનું દેવા સંકટ ડીફોલ્ટનો ખતરો ટળી જવાને પગલે સારી અસર થઈ હતી. 1લી જુનની ડેડલાઈન પૂર્વે જ સહમતી થઈ જતા માત્ર ભારત જ નહિં સમગ્ર વિશ્વને હાશકારો અનુભવાયો હતો.
અમેરીકા ડીફોલ્ટ થવાના સંજોગોમાં વિશ્વસ્તરે ગંભીર આર્થિક અસર થવાનું સ્વાભાવીક હતું. જર્મની પછી સિંગાપોર પણ આર્થિક મંદિમાં સપડાયાના નેગેટીવ કારણને ડીસ્કાઉન્ટ કરી દેવાયું હતું. અમેરીકી સંકટ ટળવાથી વિદેશી તેજી માટે ટેકારૂપ બની હતી કોર્પોરેટ પરીણામો સારા આવી રહ્યા હોવાથી તથા અલનીનોનાં જોખમ વચ્ચે પણ ચોમાસુ સામાન્ય બની રહેવાની હવામાન ખાતાની આગાહી જેવા પરીબળો પણ તેજી માટે ટેકારૂપ બન્યા હતા.જાણીતા શેરબ્રોકરોના કહેવા પ્રમાણે વિદેશી નાણાં સંસ્થાઓએ મે મહિનામાં અત્યાર સુધીની સૌથી મોટી ખરીદી કરી છે. આ આંકડાકીય રીપોર્ટ તેજીને ટેકાહે આપનાર બની રહ્યો છે. મંદીના કે ચિંતાજનક કોઈ કારણો નથી ત્યારે માર્કેટ તેજીનાં ઝોનમાં છે અને તેજીના માર્ગે વધુ આગળ વધી શકે છે.