રાજપૂત સમાજ ચૂંટણીમાં ઉમેદવારોને જીત અપાવી શકે તેમ હરાવવા માટે પણ સક્ષમ

રાજપૂત સમાજને હાંસિયામાં ધકેલી દેનાર રાજકીય પક્ષોને સબક શીખવાડવા માટે ગોહિલવાડ રાજપૂત સમજે કમર કસી છે.રાજકીય ક્ષેત્રે સમાજનું મહત્વ હોય આગામી વિધાનસભાની ચૂંટણીને અનુલક્ષીને ભાવનગર ખાતે મળેલી રાજપૂત સમાજની બેઠકમાં રાજકીય પક્ષો રાજપૂત સમાજને યોગ્ય પ્રતિનિધિત્વ આપે તે માટેની ચર્ચા અને ભાવિ પગલાંઓ અંગે મંથન કરવામાં આવ્યું હતું.રાજપૂત સમાજ ઉમેદવારોને જીત અપાવી શકે છે,તેમ હરાવી પણ શકે છે તેમ સમાજના પ્રમુખે હુંકાર કર્યો હતો.
ભાવનગર ગોહીલવાડ રાજપૂત સમાજની રાજકીય ચિંતન શિબિર શહેરના શિવશક્તિ હોલ ખાતે યોજવામાં આવી હતી,આગામી વિધાનસભામાં ચૂંટણી અનુલક્ષીને મળેલી બેઠકમાં રાજપૂત સમાજને રાજકીય ક્ષેત્રે હાસિયામાં ધકેલવામાં આવી રહ્યો હોય, આગામી વિધાનસભામાં ચૂંટણી અનુલક્ષીને ક્ષત્રિય સમાજને યોગ્ય પ્રતિનિધિત્વ મળે તે હેતુ થી શિબિરમાં રાજકીય અને સામાજિક મામલે ચર્ચાઓ કરવામાં આવી હતી. ગોહિલવાડ રાજપૂત સમાજ દ્વારા યોજાયેલી આ બેઠકમાં પ્રમુખ વાસુદેવસિંહ ગોહિલ,ભાજપ, આપ, કોંગ્રેસ સાથે સંકળાયેલા સમાજના તમામ રાજકીય આગેવાનો હાજર રહ્યા હતા.
આ બેઠકમાં વિવિધ આગેવાનોએ પોતાના સૂચનો રજૂ કર્યા હતા ખાસ કરીને વિધાનસભાની ચૂંટણી આવી રહી બેઠક મહત્વની રહી છે, આ બેઠકમાં ભાજપ, આપ, કોંગ્રેસ સાથે સંકળાયેલા તમામ રાજકીય આગેવાનો હાજર હતા, ક્ષત્રિય સમાજનો એક જ સુર જાેવા મળ્યો ભાજપ જિલ્લામાં ક્ષત્રિય સમાજને ટિકિટ ફળવતું નથી કોંગ્રેસ ફાળવે છે પણ તે જીતી શકતું નથી, સાથે આપણો સમાજ મતદાન ઓછું કરે છે તેના કારણે આપણે જીતી શકતા નથી, ક્ષત્રિય સમાજના પ્રમુખએ ચોંકાવનારું નિવેદન કર્યું હતું કે, ભાવનગર જિલ્લામાં રાજપૂત સમાજના અઢી લાખ મતાદારો છે, જાે ટિકિટ નહિ મળે તો જેમ ક્ષત્રિય સમાજ અન્ય ઉમેદવારોને જીતાડી શકે છે તેમ હરાવી પણ શકે છે, જેની રાજકીય પક્ષો નોંધ લે તે જરૂરી છે. આ બેઠકમાં ક્ષત્રિય સમાજને રાજકીય પક્ષો યોગ્ય પ્રતિનિધિત્વ આપે તે માટે મંથન કરવામાં આવ્યું હતું.